Информација за сообраќајот на патот Скопје – Блаце
Министерството за внатрешни работи објави дека поради пожарот што избувна во близина на тунелот на магистралниот пат А4 Скопје – Блаце, сообраќајот за патничките возила е пренасочен, додека за товарните моторни возила е прекинат.
Властите веќе воведоа посебен режим на движење за возилата кои се движат од Граничниот премин Блаце кон Скопје.
Според информации од МВР, патничките возила сега се пренасочени кон село Горни Блаце, следејќи го стариот пат кон селата Бањани и Глуво. Исто така, постои нов режим на движење за возилата што патуваат од Скопје кон Граничниот премин Блаце.
Сообраќајот од Скопје до граничниот премин е пренасочен по регионалниот пат Р22-39, поминувајќи низ селата Бразда и Глуво, како и преку Горни Блаце.
