Агенцијата за цивилно воздухопловство воведе ограничување за користење на дронови, со кое се забранува нивната употреба за операции во областите на Кочани и Штип. Министерството за внатрешни работи го пренесува соопштението на АЦВ, во кое се истакнува дека неовластеното и некоординирано користење на овие уреди може да предизвика сериозни ризици за воздушниот сообраќај и да има сериозни последици по животот и имотот на луѓето на земјата. Дополнително, се нагласува дека управувањето со дронови во забранети зони може да предизвика правни санкции согласно Законот за воздухопловство. Понатаму, Министерството за внатрешни работи апелира до сите граѓани во овој период на тага и болка, да ги почитуваат одредбите на Уставот за мирно собирање и протестирање, да ги следат одлуките на државните институции и да постапуваат според упатствата на полицијата, со цел да се заштити мирот и безбедноста на сите граѓани.
