Подгответе се за незаборавно патување низ времето, во кое традицијата и модерниот израз се спојуваат!
Националниот ансамбл за народни игри и песни на Македонија „Танец“ ја организира својата традиционална Велигденска прослава под насловот „Велигденско празнување“. Оваа година, концертот носи посебна порака и енергија, поврзани со моќното мотото на новата концертна сезона „Пулсот на предците во ритамот на денешницата“. „Танец“ ќе презентира програма што го поврзува вековното наследство со современиот сензибилитет.
Подгответе се за безвременски кореографии, моќни гласови на хорот и солистите, како и раскош на македонски народни носии, од кои секоја раскажува своја приказна и е украсена со вез. Овој концерт го слави животот и воскреснувањето на традицијата во денешното време.
- Датум: 08.04.2026 година (среда)
- Место: Македонски народен театар, Скопје
- Почеток: 20:00 часот
Билетите ќе бидат достапни во билетарницата на МНТ и онлајн преку официјалната мрежа на МНТ.
Придружете ни се во Македонскиот народен театар, каде сцената ќе пулсира со енергија на нашите предци, интерпретирана од професионалноста на врвните уметници на „Танец“.
