Високиот комесаријат за бегалци на Обединетите нации (УНХЦР) се подготвува за прифаќање на значителен број бегалци од Иран поради испади на насилство од страна на Израел.
– Работиме на кризни планови за евакуација во Иран и соседните земји. Сè уште не сме ги објавиле, бидејќи немаме доволно информации и чекаме да видиме како ќе се развива ситуацијата, изјави директорот на УНХЦР, Филипо Гранди.
Според неофицијални информации, луѓе кои бегаат од Иран веќе пристигнуваат во Ерменија, Азербејџан и Туркменистан.
Сметам дека станува збор за лица од градовите, кои поседуваат одредени средства и можат брзо да избегаат од опасностите. Досега, ниту една држава не побарала помош од УНХЦР, нагласи Гранди, додавајќи дека Иран е засолниште за многу бегалци.
Во Иран живеат околу 3,5 милиони луѓе од Авганистан.
