Претседателот на САД, Доналд Трамп, изјави дека американските власти утврдиле оти Украина не ја целела резиденцијата на рускиот претседател Владимир Путин при нападот со дрон изминатата недела. Трамп нагласи дека „нешто се случило во близина“ на Путиновата резиденција, но дека не е потврдена намерата да биде погодена. „Не верувам дека тој напад се случил. Не сметаме дека имаше напад, откако сега имавме можност да провериме“, рече Трамп синоќа за новинарите во авион на пат кон Вашингтон.
Рускиот министер за надворешни работи, Сергеј Лавров, изјави дека Украина лансирала низа дронови кон државната резиденција на Путин во Новгородскиот регион, но дека руските одбранбени системи успеале да ги неутрализираат. Лавров, исто така, го осуда Киев за иницирање на нападот во време на интензивни преговори за завршување на конфликтот.
Денот пред тоа, украинскиот претседател Володимир Зеленски разговарал со Трамп во Флорида за мировниот план од 20 точки на американската администрација. Зеленски веднаш ги демантираше обвинувањата од Кремљ. Европски функционери проценуваат дека тврдењето за напад на Путинова резиденција е обид на Москва да ги ослабне мировните напори. Американскиот весник „Волстрит журнал“ објави кон крајот на минатата година, цитирајќи неименуван американски функционер, дека Централната разузнавачка агенција (ЦИА) утврдила дека немало обид за напад врз Путин.
