По три години, Европа се наоѓа на работ на мирот, а според зборовите на американскиот потпретседател Џеј-Ди Венс, заслугата за тоа му припаѓа на Доналд Трамп. Оваа негова изјава беше дадена во рамките на годишната Конференција за политичко дејствување на конзервативците (CPAC), пренесува „Гардијан“.
– Она што го прави Трамп толку успешен во преговарањето, а тоа сум го забележал и лично, е фактот дека тој никогаш не ги отстранува опциите од преговарачката маса. Сè останува отворено за дискусија. Овој пристап, разбирливо, предизвикува реакции од одредени кругови во САД, кои прашуваат: „Зошто воопшто разговарате со Русија?“ Но, ако не се воспостави дијалог, како тогаш може да се постигне крај на војната? Потребно е да се водат разговори со сите кои се директно инволвирани во конфликтот – објасни Венс.
Тој исто така нагласи дека Трамп е свесен колку се сложени овие прашања и дека за нивно решавање е неопходен искусен и мудар државник.
Конференцијата, која ја организира Американската унија за конзервативни акции, важи за најзначаен собир на конзервативците во САД, каде што се разгледуваат клучните политички и меѓународни прашања.
