И покрај сериозните безбедносни предизвици и ограничената пловидба поради конфликтот помеѓу САД, Израел и Иран, некои трговски бродови успеваат да поминат низ Ормутскиот теснец, кој представлява една од најзначајните поморски рути за транспорт на енергенси. Според информации објавени од Ројтерс, два нафтени танкери успешно ја напуштиле оваа зона, додека еден брод за транспорт на течен природен гас (ЛНГ) натоварил во Обединетите Арапски Емирати.
Танкерот „Cy Victorious“, кој пренесува најмалку 80.000 тони мазут натоварен во Ирак на почетокот на април, го напуштил теснецот на 30 мај и сега плови кон Малезија. Еден ден порано, низ теснецот поминал и танкерот „Sti Elysees“, кој е натоварен со нафтени деривати од Кувајт, но засега не е позната неговата конечна дестинација.
Забележано е и движењето на бродот за течен природен гас „Marigold“, кој на почетокот на мај го исклучил автоматскиот систем за идентификација (AIS) за да влезе незабележан во теснецот. Потоа успешно натоварил гас на островот Дас во Обединетите Арапски Емирати.
Дополнителен знак дека поморскиот сообраќај би можел да се нормализира е присуството на четири танкери за течен природен гас – „Al Hamra“, „Al Areesh“, „Al Khuwair“ и „Al Marrouna“. Овие бродови без товар испловиле од подрачјата на Индија и Шри Ланка и сегашно се сместени во близина на источниот влез на Ормутскиот теснец, во очекување на понатамошен развој на состојбата.
Ормутскиот теснец е клучна артерија за глобалната трговија со нафта и гас, а секое нарушување на сообраќајот во оваа регија може да има значаен ефект на светските енергетски пазари.
