Шефот на турската дипломатија, Хакан Фидан, нагласи дека претседателите на САД, Украина и Русија можат да учествуваат во мировните преговори помеѓу Москва и Киев.
— Во однос на минатото, сега сите, вклучително и рускиот претседател Владимир Путин, не гледаат проблематично да разговараат. Во принцип, нема бариери за средба помеѓу Путин, Доналд Трамп и Володиомир Зеленски под покровителство на нашиот претседател Реџеп Тајип Ердоган — изјави Фидан.
Тој истакна и дека Русија е спремна за третиот круг на преговори и очекува одговор од Украина.
По двете рунди разговори одржани во Истанбул на 26 мај и 2 јуни, Русија и Украина се согласиле да разменат воени заробеници.
