Русија ќе ги разгледува условите за враќање на странските брендови на својот пазар, земајќи ги предвид интересите на домашниот бизнис. При тоа, условите за враќање на западните компании значително ќе се разликуваат од претходните, изјави министерот за економски развој, Максим Решетников. Според него, повлекувањето на странските компании обезбеди значајни можности за руските бизниси, како и за компании од пријателски земји, кои вешто ја искористија оваа промена, известува Спутник.
Со помошта на програмите за државна поддршка, особено во секторот за мали и средни претпријатија, руските компании успешно ги исполнија празнините и го зголемија асортиманот на стоки и услуги, вели Решетников. Тој исто така истакна дека руските компании направија големи инвестиции за да го пополнат просторот на пазарот создаден од заминувањето на странски компании. Тој нагласи дека треба да се осигураме дека овие вложувања ќе дадат резултати, и е клучно да се почитуваат потребите на клиентите и да се одржуваат пазарните цени и конкурентноста. Рускиот пазар ќе остане достапен, но сите решенија ќе бидат донесувани индивидуално, со разгледување на сите фактори. Очигледно е дека руската економија се променила, па оттука и условите за враќање на странските компании ќе бидат различни во однос на локализацијата, инвестициите и технологиите.
Повлекувањето од рускиот пазар чини многу за западните брендови, со загуби што изнесуваат дури 13,6 милијарди долари, според анализата на финансиските извештаи од РИА Новости. Индустриите кои најмногу беа погодени од материјална гледна точка се оние за алкохол, тутун и брза храна.
