На 7 јули 2025 година, полициските службеници од СВР Битола го лишиле од слобода Г.П. (28) од селото Ангелци, струмичко. Истиот ден, околу 15:00 часот, Т.Р. (22) од село Долно Српци пријавил во СВР Битола дека тој и неговите другари забележале непознато лице во патничкото возило „форд“ без регистарски ознаки, за кое имале сомневања дека е возможно извршител на кражби. Лицето излегло од возилото, извадило пушка од багажникот и пукало кон Т.Р. и неговите пријатели, но не ги погодило.
По добиената пријава, полициските службеници од СВР Битола веднаш преземале мерки за пронаоѓање на лицето. Во нива во село Долно Српци е пронајдено возилото, додека во нива во село Вашарејца, општина Могила, е откриен и Г.П. По пристигнувањето на полицијата, му биле дадени наредби да ја одложи пушката, но тој не постапил според упатствата, туку ја вперил пушката кон двајцата полициски службеници, кои предупредувачки истрелале неколку куршуми во воздух.
При обидот за совладување на Г.П., тој се обидел да му го одземе службениот пиштол на еден од полициските службеници, но без успех. Потоа, со пушката се обидел да пука кон полицискиот службеник, кој возвратил и испукал два куршуми кон Г.П., причинувајќи му лесна телесна повреда. Г.П. бил однесен во Клиничката болница Битола со возило на Итна медицинска помош за укажување на лекарска помош, а потоа е приведен во Полициската станица Битола. По упатство на јавен обвинител, се преземаат мерки за расчистување на случајот.
