Пејачката Јелена Томашевиќ се огласи во врска со трагичниот настан што ја потресе Северна Македонија, каде во пожар во дискотека во Кочани животот го загубија најмалку 59 луѓе и повеќе од 150 беа повредени. Таа изрази сочувство за членовите на бендот на „ДНК“, меѓу кои трагично настрада и тапанарот Горги Горгиев. – Нека патуваат вашите души по Господовите патишта, и вие и членовите на вашиот бенд „ДНК“, како и сите што прерано заминаа со вас во небесното царство. Болка и жалење до небо за мојата сакана Македонија! Длабоко сочувствувам со вас! Искрено сочувство до семејствата на жртвите и сите граѓани на Македонија, напиша Јелена на Инстаграм, споделувајќи фотографија со Горги.
