Откритие на ренесансниот цртеж на Ханс Балдунг
Цртежот на германскиот ренесансен уметник Ханс Балдунг, познат како „Грин“, е откриен по повеќе од 500 години, при што бил недопрен во дрвена кутија. Француска уметничка галерија потврдила дека станува збор за вистинско уметничко богатство.
Овој портрет на жена, изработен со сребрено перо, датира од 1517 година и до денес е во сопственост на алзашкото семејство на портретираната, Сузан Фефингер.
Балдунг, познат по својата уникатна и значајна работа, имал важна улога во ренесансното изразување. Неговиот стил вклучува сцени од „Падот на човекот“, искрени портрети на светци и драматични прикажувања на вештерки. Главниот олтар на катедралата во Фрајбург во јужна Германија се смета за еден од најзначајните моменти во неговото рано творештво.
Уметникот е роден во 1484 или 1485 година и работел како сликар, цртач и гравер. Во текот на својата кариера, соработувал со познатиот сликар Албрехт Дирер во Нирнберг.
Балдунг го поминал поголемиот дел од својот живот во Стразбур, каде што починал во 1545 година.
Патрик де Беизе од галеријата „Cabinet de Bayser“ во Париз откритие на цртежот го опиша како „шок“. Според него, цртежите на Балдунг се исклучително ретки и само неколку се наоѓаат во приватни колекции. Семејството се обратило со барање да ја прегледаат сликата, за која немале представа.
Делото е планирано да биде продадено на наддавање на 23-ти март во аукциската куќа Beaussant Lefèvre & Associés во Париз. Де Беизе ја проценува неговата вредност помеѓу 1,5 милиони и 3 милиони евра.
Семјството од Алзас поседувало бројни слики во својата обемна семејна архива. Неколку десетина од нив, потекнувале од далечни предци и биле внимателно чувани во дрвена кутија, а меѓу нив се наоѓа и портретот кој сега е потврден како дело на Балдунг Грин.
