Во организација на „Џуниор Ачивмент Македонија“, денес во Трговскиот центар „Веро Џамбо“ ќе се одржи деветтиот Национален натпревар на ученички компании за учебната 2025/2026 година. На овој натпревар ќе учествуваат повеќе од 90 ученици, распоредени во 20 ученички компании од 16 средни училишта, вклучувајќи Берово, Битола, Богданци, Велес, Прилеп, Скопје, Ресен, Куманово и Гевгелија. Учениците ќе имаат можност да покажат својот креативен потенцијал и иновации, истовремено стекнувајќи практично искуство во бизнисот.
