Официјални цени на лешниците за 2025-2026 година
Турската агенција за земјоделски производи објави официјални откупни цени за лешниците за сезоната 2025-2026. Според најновите информации, цената за килограм лешници од висок квалитет е утврдена на 200 турски лири (околу 4,24 евра), додека за лешниците со понизок квалитет цената изнесува 195 лири (околу 4,13 евра). Ова претставува значително зголемување од 51,5% и 50% во однос на цените од лани.
Причина за оваа одлука на агенцијата лежи во проблемите со производството, предизвикани од мразот што ги погодил лешниците во април. Според експертите, отчетите за оваа година покажуваат дека жетвата на лешници во регионот на Црното Море би можела да опадне под 400.000 тони, што е значително пониско во однос на вообичаеното ниво од околу 800.000 тони.
Турција произведува околу 70% од светските лешници, и растот на цените ќе влијае и на производителите на чоколадо, вклучувајќи ја и италијанската компанија „Фереро“, која во своите чоколадни производи користи лешници како клучен состојок и купува приближно една четвртина од целокупното производство на Турција.
